دل میں قرآن سجاؤں تو تری نعت لکھوں

دل میں قرآن سجاؤں تو تری نعت لکھوں

فکر عمران سی پاؤں تو تری نعت لکھوں

لغزشوں اور گناہوں کی سیاہی میں اگر

اپنے دامن سے چھڑاوں تو تری نعت لکھوں

تیری رحمت کا جو بادل کبھی برسے آقا

 اس میں جا کرمیں نہاوں تو تری نعت لکھوں

تیرے محبوب کے ہر حکم کی کر کے تعمیل 

تجھسے پیمان نبھاؤں تو تری نعت لکھوں

قاب و قوسین کی منزل سے بھی آگے آقا

ایک شب خواب میں جاوں تو تری نعت لکھوں

ہو اگر اذن ترا میں بھی مقدر سے کبھی

سبز گنبد تلے آوں تو تری نعت لکھوں

زلف واللیل سے تھوڑی سی سیاہی لیکر

خامہ دل میں ملاوں تو تری نعت لکھوں

قنبر و میثم و سلمان و ابوذر کی طرح

اپنا کردار بناوں تو تری نعت لکھوں

نعت گوئ کا ہنر جسنے سکھایا سب کو

اذن اس سے جو میں پاوں تو تری نعت لکھوں

اے مرے سید و سردار ترے روضے کو

اپنے دل میں جو بساوں تو تری نعت لکھوں

چن کے قرآن سے مین سورہ واللیل و ضحی

سر قرطاس جو لاوں تو تری نعت لکھوں