راہ ولا میں ہر رہِ دشوار فاطمہ

راہ ولا میں ہر رہ دشوار فاطمہ

ہوتی ہے تیرے نام سے ہموار فاطمہ

شوہر سے بھی کبھی نہیں کرتی کوئ سوال

اللہ جانے کیسی ہے خوددار فاطمہ

دونوں جہان ملکے بھی اسکا عوض نہیں

ہے آپ کے گلے میں جو اک ہار فاطمہ

حالات یہ ہیں ایک طرف سارا زمانہ

اور اک طرف علی کی مددگار فاطمہ

ہیں مطمئن بس اس لیئے مولائے کائنات

ہیں ہر قدم علی کی مددگار فاطمہ

منہ موڑ لے علی سے زمانہ بھی غم نہیں 

ہر موڑ پر ہیں مونس و غمخوار فاطمہ

دراصل دین حق کو شفایاب کر گئیں

بعد رسول جو ہوئیں بیمار فاطمہ

کلمہ بہ کلمہ لفظ بہ لفظ زینبی خطاب

تھا آپکا ہی خطبہ دربار فاطمہ

سارے جہاں کے واسطے مشکل کشا علی

مشکل کشا علی کی مددگار فاطمہ

قربان کرکے بچہ ولایت کی راہ میں

سکھلا گئ سلیقہ ایثار فاطمہ

اسکی عبادتوں کا کوئ فائدہ نہیں

جو بد نسب ہے تیرا گنہگار فاطمہ