یہ اور بات ہے کہ ستم پر ستم ہوئے

یہ اور بات ہے کہ ستم پر ستم ہوئے

لیکن غدیریوں کے کبھی سر نہ  خم ہوئے

یہ بس در علی کی فقیری کا ہے کمال

دولت کے سامنے کبھی رسوا نہ ہم ہوئے

سچے غلام بن گئے جو اھلبیت کے

بے شک انھیں کے حصے میں جاہ و حشم ہوئے

ہمارے لب پہ جو آتا ہے بار بار علی

ہمارے لب پہ جو آتا ہے بار بار علی

دل عدو میں یہ چبھتا ہے مثل خار علی

بتوں سے کہدو سمیٹیں وہ بوریا بستر

کہ آج آ گیا کعبے کا ورثہ دار علی

یہ جو مجلس ہے یہ آنسو ہیں یہ غم خواری ہے

یہ جو مجلس ہے یہ آنسو ہیں یہ غمخواری ہے

یہ عزاداری نہیں خلد کی تیاری ہے

پوچھنے آتی ہے ہر سال شب عاشورہ

مثل حر  کیا کسی انسان میں بیداری ہے

فاطمہ کا لاڈلا ابن علی پردے میں ہے

فاطمہ کا لاڈلا ابن علی  پردے میں ہے

یعنی باغ مصطفی کی تازگی پردے میں ہے

اس لیئے ہم قتل ہوکر بھی ہیں زندہ آج تک

ہم ہیں باہر پر ہماری زندگی پردے میں ہے

دنیا یہ پوچھتی ہے غمِ شہ نے کیا دیا

دنیا یہ پوچھتی ہے غم شہ نے کیا دیا

کیا کم ہے ہمکو ظلم کا چہرہ دکھا دیا

میں نے دیا جلایا ہے غازی کے نام پر

طوفانو ! تم بجھا کے دکھاؤ مرا دیا

بن ملجم نے یہ کیسا کیا ہے وار سجدے میں

۔۔۔۔۔۔۔۔۔۔۔

سجدے میں

۔۔۔۔۔۔۔۔۔۔۔

بن ملجم نے یہ کیسا کیا ہے وار سجدے میں

لہو سے ہوگئے تر حیدر کرار سجدے میں

۔۔۔۔

یہ سنکر شبر و شبیر مسجد کی طرف دوڑے

ہوئے زخمی ہمارے والد غمخوار سجدے میں

۔۔۔۔

لاشہ عون و محمد پہ یہ زہرا نے کہا

لاشہ عون و محمد پہ یہ زهرا نے کہا

اے مرے بچو ! تمهیں رونے کو میں آئ ہوں

 

ماں تمهاری نہیں کر پائ ہے تم پر گریہ

اے مرے بچو ! تمهیں رونے کو میں آئ ہوں

مولا نہ تنہا جائیے اکبر کی لاش پر

مولا نہ تنہا جایئے اکبر کی لاش پر

کہتی رہی ضعیفی یہی ہاتھ جوڑ کر

مولا نہ تنہا جایئے اکبر کی لاش پر

برچھی لگی ہے سینہ اکبر مین شاہ دیں

مچلھی کی طرح رن میں تڑپتا ہے وہ حزیں

اور ایڑیاں رکڑتا ہے مقتل کی خاک پر

عباس المدد مرے عباس المدد

لاش جری پہ فاطمہ زہرا نے دی صدا

*عباس المدد میرے عباس المدد*

 

کٹتا ہے میرے لال کا سوکھا ہوا گلا

*عباس المدد مرے عباس المدد*

زہرا کے گھرانے میں قیامت کا سما ہے

زہرا کے گهرانے میں قیامت کا سماں ہے

ہر ایک طرف آج فقط آہ و فغاں ہے

اے میرے خدا کون اٹها آج جہاں سے

کہ علم کی آنکهوں سے بهی اب اشک رواں ہے

جو زندگی بهر روتا رہا کرب وبلا پر

اب کرب وبلا اسکے لئیے نوحہ کناں ہے

جلتا ہوا خیمہ ہو یا چهنتی ہوئ چادر

ہر درد ابهی تک دل باقر میں نہاں ہے

رخسار سکینہ پہ نشان جیسا ہے لوگو

رخسار پہ باقر کے بهی ویسا ہی نشاں ہے

وہ جلتی زمیں اور شہ دین کا لاشہ

عابد کا پسر آج تلک بهولا کہاں ہے

تم مر کے بهی مرقد میں نہ رہ پائے سکوں سے

غربت تری ٹوٹی ہوئ تربت سے عیاں ہے

یہ لکھ کے قلم اشک بہاتا ہے رضا کا

باقر کی شہادت پہ قیامت کا سماں ہے

حسن رضا بنارسی