میرے سجاد کو مت ستاؤ

روکے کرتی تهی زینب فغاں

مرے سجاد کو مت ستاؤ

غم سے مر جائےگا نا تواں

مرے سجاد کو مت ستاؤ

ظالموں نے چمن اسکا لوٹا

اسکے عمو کو دریا پہ مارا

ہو گیا قتل بابا بهی اسکا

بے زباں کو بهی زنده نہ چهوڑا

ایک بهائ کو ماری سناں

مرے سجاد کو  مت ستاؤ

 

تین دن سے نہ پایا ہے پانی

خون کی رک رہی ہے روانی

غم سے پیری میں بدلی جوانی

اور ستاؤ نہ اے شر کے بانی

بحر رب دو نہ تم گهڑکیاں

مرے سجاد کو مت ستاؤ

 

میرا بیٹا ہے بیمارو لاغر

روزو شب غش میں رہتا ہے مضطر

ظالمو اسکا کهینچو نہ بستر

مر نہ جائے کہیں میرا دلبر

لب پہ ہے اب تو اسکی بهی جاں

مرے سجاد کو مت ستاؤ

 

ظلم آخر یہ کتنا سہے گا

شام تک کیسے زندہ رہے گا

درد اپنا یہ کس سے کہےگا

اور کانٹوں پہ کیسے چلےگا

جبکہ پاؤں میں ہیں بیڑیاں

مرے سجاد.....

 

اپنے بابا پہ روتا ہے جب بهی

پشت کرتے ہو دروں سے زخمی

ایسی غربت نہ ہوگی کسی کی

جیسی غربت ہے میرے علی کی

اس پہ روتے ہیں پیرو جواں

مرے سجاد کو مت ستاؤ

 

ریت پر بے کفن ہے پدر

ہائے دیکهے یہ کیسے پسر

بے ردا بیبیاں ہمسفر

صبر عابد کو ہے دیکهکر

صبر ایوب گریہ کناں

مرے سجاد کو مت ستاؤ

 

ظلم کیسا ہے آخر یہ ہائے

بے ردا ہمکو بازار لائے

شرم سے ہے وہ گردن جهکائے

اور اٹهائے تو کیسے اٹهائے

جب گلے میں ہے طوق گراں

مرے سجاد کو مت ستاؤ

 

جرم اسکا ہے کیا یہ بتاؤ

اب خدارا اسے مت رلاؤ

جو ستانا ہے ہمکو ستاؤ

اسقدر ظلم اس پر نہ ڈهاؤ  

اب یہی ہے امام زماں

مرے سجاد کو مت ستاؤ

 

راہ  پر خار  پر  یہ  چلا  ہے

اسکے پیروں سے خوں رس رہا ہے

قافلہ جس جگہ سے گیا ہے

خون سے سرخ وہ راستہ ہے

غم کا اس پر گرا آسماں

مرے سجاد کو مت ستاؤ

 

اے رضا بی بیوں نے جو دیکها

زرد چہرہ تها زین العبا کا

اور بدن میں بهی رعشہ پڑا تها

ظالموں سے یہی دست بستہ

رو کے کہنے لگیں بی بیاں

مرے سجاد ....

طالب دعا حسن رضا بنارسی