یارب میں لکھنے بیٹھا ہوں دیوان کربلا
’’کربلا‘‘ کی خدمت میں اپنے تازہ الفاظ:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یارب میں لکھنے بیٹھا ہوں دیوانِ کربلا
الفاظ ہوں عطا مجھے شایانِ کربلا
سینے پہ داغ، آنکھ میں آنسو لبوں پہ آہ
لیکر لحد میں جاونگا سامانِ کربلا
اصحاب با وفا کے لہو سے حسین (ع) نے
لکّھا ہے گرم ریت پہ قرآنِ کربلا
ہے میرے پاس دولتِ اشکِ غمِ حسین (ع)
مجھ سا ہے کون؟ میں ہوں سلیمانِ کربلا
کتنے بڑے بڑوں کی بزرگی نہ کر سکی
عاشور کو جو کر گیے طفلانِ کربلا
دنیا کا سارا غم اسے ہلکا دکھائ دے
جس آدمی کے پاس ہو میزانِ کربلا
ہیں انبیاء کہیں تو فرشتے کہیں پہ ہیں
رشکِ بہشت لگتا ہے ایوانِ کربلا
جون و حیب و اکبر و عباس بن گیا
جس شخص کو بھی ہوگیا عرفانِ کربلا
عباس (ع) کو حسین (ع) نے دریا پہ بھیج کر
کرڈالا قید مشک میں طوفانِ کربلا
حقانیت کی ملتی ہے تعلیم اس جگہ
فرش عزا ہے گویا دبستانِ کربلا
اتنا رہے خیال اے زوّارِ اربعین
ہم سب کا میزبان ہے مہمانِ کربلا
دنیا کبھی بھی بس نہین سکتی یقین ہے
کیونکہ رضا کے دل میں ارمانِ کربلا
۔۔۔۔۔۔۔۔۔۔۔۔۔۔۔۔
حسن رضا