بن ملجم نے یہ کیسا کیا ہے وار سجدے میں

۔۔۔۔۔۔۔۔۔۔۔

سجدے میں

۔۔۔۔۔۔۔۔۔۔۔

بن ملجم نے یہ کیسا کیا ہے وار سجدے میں

لہو سے ہوگئے تر حیدر کرار سجدے میں

۔۔۔۔

یہ سنکر شبر و شبیر مسجد کی طرف دوڑے

ہوئے زخمی ہمارے والد غمخوار سجدے میں

۔۔۔۔

تڑپ کر زینب و کلثوم روتی اور کہتی ہیں

مرے بابا پہ کس نے کر دیا ہے وار سجدے میں

۔۔۔۔

بن ملجم بتا تیرا علی نے کیا بگاڑا تها

علی تو کر رہے تهے طاعت غفار سجدے میں

 

لگائ ضرب ایسی فرق اقدس پر ستمگر نے

تڑپ کر رہ گیا اک  بیکس و لاچار سجدے میں

 

نبی گریہ کناں اور فاطمہ ہیں غش میں یہ سن کر

بن ملجم نے حیدر پر کیا ہے وار سجدے میں

 

تڑپ کر بهر رہے ہیں خاک حیدر اپنے زخموں میں

پڑا مشکل کشا پر وقت ہے دشوار سجدے میں

 

مصلی مسجد و محراب و منبر ہیں سبهی گریاں

گیا مارا وصی احمد مختار سجدے میں

 

علی نے فزت رب کعبہ کہہ کے ہمکو بتلایا

ملے گا کامیابی کا فقط معیار سجدے میں

 

صدا وقت سحر جبریل یہ دیتے تهے رو رو کر

رضا رکن هدایت ہو گیا مسمار سجدے میں 

۔۔۔۔۔۔۔۔۔۔۔۔۔۔۔۔۔۔

 

۱۹ رمضان 1437