خیر ہو حیدر کرار کی اے میرے خدا
خیر ہو حیدر کرار کی اے میرے خدا...
شهر کوفہ سے صدا آتی ہے انا لله
ہو گئے قتل علی گونج رہی ہے یہ صدا....
شهر کوفہ سے صدا آتی ہے انا لله
بن ملجم نے نمازی پہ وہ آفت ڈهائ
ہل گیا عرش بریں اور زمیں تهرائ
ہوگیا عالم اسلام میں کہرام بپا
شهر کوفہ سے صدا آتی ہے انا لله
خیر ہو حیدر کرار کی اے میرے خدا
شهر کوفہ میں ہے اک درد کا منظر یا رب
روتے ہیں مفلس و نادار یہ کہکر یا رب
ہم غریبوں کا سہارا نہ رہا اب زندہ
شهر کوفہ سے صدا آتی ہے انا لله
خیر ہو حیدر کرار کی....
ماہ رمضان میں قرآن پہ آفت آئ
سورہ کوثر و رحمان پہ آفت ائ
ایتیں پڑهتی ہیں رو رو کے علی کا نوحہ...
شهر کوفہ سے صدا آتی ہے انا لله
خیر ہو حیدر کرار کی....
خانہ رب میں ستمگر نے کیا ایسا ستم
اپنے خوں سے ہوئے محراب میں تر شاہ امم
محو گریہ ہوا یہ دیکه کے خود بیت خدا
شهر کوفہ سے صدا آتی ہے انا لله
خیر ہو حیدر کرار کی....
زخم.ایسا ہیکہ اک شیر پہ غش طاری ہے
آج اسلام کی آنکهوں سے لہو جارہی ہے
اور ادهر سوگ میں ڈوبا ہے خدا کا کعبہ
شهر کوفہ سے صدا آتی ہے انا لله
خیر ہو حیدر کرار کی...
اپنے بابا کے جنازے سے لپٹ کر حسنین
غمزدہ آنکهوں سے روتے ہوئے کرتے ہیں بین
ماں کے بعد آپ ہمیں چهوڑیں نہ تنہا بابا
شهر کوفہ سے صدا آتی ہے انا لله
خیر ہو حیدر کرار کی...
ایک گوشہ میں کهڑے روتے ہیں عباس حزیں
ان کی مادر کو بهی ملتا نہیں اب چین کہیں
ہوگیا بیٹا یتیم اور ہوئ ماں بیوہ
شهر کوفہ سے صدا آتی ہے انا لله
خیر ہو حیدر کرار کی ....
اپنے بابا کی جدائ سے ہیں زینب بے حال
اور اک سمت ہوئ جاتی ہیں کلثوم نڈهال
آج ہیں خانہ حیدر میں سبهی محو بکا
شهر کوفہ سے صدا آتی ہے انا لله
خیر ہو حیدر کرار کی ....
انبیاء روتے ہیں اور شاه زمن روتے ہیں
ایسا منظر ہیکہ خود دشت و دمن روتے ہیں
ذرے ذرے سے بهی آتی ہے صدائے گریہ
شهر کوفہ سے صدا آتی ہے انا لله
خیر ہو حیدر کرار کی....
قتل حیدر کی خبر خلد میں جسدم پہونچی
کها کے غش گر گئ اک بار نبی کی بیٹی
اپنا سر پیٹ کے حوروں نے کہا واویلا
شهر کوفہ سے صدا آتی ہے انا لله
خیر ہو حیدر کرارا کی....
جب جنازہ اٹها حیدر کا بصد آہ و فغاں
اے رضا کوفہ میں تها ایک قیامت کا سماں
ہر طرف ہائے علی ہائے علی کی تهی صدا
شهر کوفہ سے صدا آتی ہے انا لله
خیر ہو حیدر کرار کی....
✍🏻حسن رضا بنارسی
